في الليل ظـَهر شاب بين النهر والصخور حاملاً ما يشبه الفانوس السحري ، بينما صوت الهواء الشديد يختلط بصوت الأمواج ، ثم انتقى صخرة كبيرة وضَع الفانوس على قمتها ، ووقف قبالته هارشاً رأسه مفكراً فيما يصنع به ، ثم تمتم :
- أدعكه وأمري لله .
حمل الفانوس وانتقل أمام الصخرة وأخذ يدعكه ، ثم تركه وابتعد قليلاً وهو يراقبه ، فخرج دخان كثيف امتزج مع صوت الهواء الشديد وهدير الأمواج فابتعد أكثر، بينما ظهر جحـا من بين الدخان حاملاً عصا مبتسماً يتطلع حوله، حدق في وجه من دعك الفانوس وملابسه وسأله :
- من أنت ؟
يرد متسائلاً باندهاش :
- انت العفريت ؟
- عفريت !! لا أنا جحا .. انت مين بقى ؟
- يعني مافيش شُبيك لبيك ؟
- لبيك مين يا عم بقولك جحا .. جحا الحكيم .
- طب وفين العفريت ؟
- أنا مش فاهم منك حاجة .. عفريت ايه ؟
- المفروض إن الفانوس ده يطلع لي منه عفريت جداً .
- لا آهو طلع لك منه جحا ، وانا أجدع من 100 عفريت يا سيدي .
- يعني هتحققلي كل أمنياتي ؟
- ليه هو أنا عفريت ؟!
أجابه بغضب :
- أومال لازمتك إيه ؟
جحا بهدوء :
- هفيدك بحكمتي .
- جحا كان غبي جداً مش حكيم .
- مش عيب تغلط في عمك جحا ؟ اسمك إيه ؟
- أنا عايز أرجعك الفانوس تاني .
- ماينفعش .
- ليه ؟ لزقة ؟
- يابني افهم .. انت خرجتني من الفانوس ، هفيدك بحكمتي لحد ما تموت.. أو ممكن أرجع فجأة بعد فترة ماعرفهاش .
- مش فاهم .
- مش مهم تفهم ، المهم تستفيد من حكمتي .
- وحكمتك دي هتخليني أغنى واحد في الدنيا ؟
- وهو الغِنى ، غنى فلوس بس ؟
- أيوة .. أهم حاجة جداً هي الفلوس .
- ليه ؟ هو احنا فين ؟ ايه البلد دي ؟
- دي البلد اللي انت بتتكلم كلامها .
- أنا باتكلم زي ما انت بتتكلم .
- دي مصر .
- بجد ؟ مصر ؟؟ أنا سعيد قوي إني في مصر .. احنا سنة كام ؟
- 2005 ميلادي .
- لأ قول لي بالهجري .
- ماعرفشي بالهجري أعرف بالميلادي .
- ليه ؟ مابتصوموش رمضان ؟
- بنصوم جداً ، بس فيه ناس بتحسب لنا الشهور الهجري وتبقى تقولنا لما رمضان يجي.
- وانت عايز فلوس ليه ؟
- كل الناس عايزة فلوس ، احنا ف زمن الفلوس فيه كل حاجة جداً .. هتجيبلي فلوس ؟
- قلتلك أنا مش عفريت .. بس الزمن اللي تبقى الفلوس فيه كل حاجة ، محتاج جحا .
- اذا كنت مش هتجيب فلوس يبقى مش عايزين جحا .
- ليه ؟ انت مش عايز الفلوس عشان تبقى غني وتِصرف كتير؟
- أيوة .
- خلاص ، هعلمك ازاي تتغني وتجيب فلوس .. بالصبر والحكمة .
قال بسخرية :
- يبقى مش هنشوف قرش إن شاء الله .. صبر مين يا عم ، احنا عندنا ناس بتجيب كل دقيقة ألف جنيه .
- يعني كام دينار ؟
- شكلك هتغلـّبني معاك جداً .
- وعّيني .. فهمني ، واستحملني .
- مافيش وقت .. الزمن ده مش وقت حد يعلّم حد فيه ، كله بيتعلم لوحده .
- الدنيا برد ، ممكن نروح مكان دفا شوية ؟
- ياريت .. ماكانش يتعز .
- هو انت مش قلت اننا في مصر ؟ يعني فيه ناس كُرما ممكن يضيّـفونا لو انت ماعندكش مأوى .
- بيتهيألك .. كل حاجة بمقابل وماعادش حاجة ببلاش .
- حتى الكرم ؟
- حتى النـَفَس .
- لاااا .. ده انتوا محتاجين جحا فعلاً .. تعالى معايا .
- على فين ؟
- مع عمك جحا ماتشيلش هَم .
*
بعد الكثير من البحث سأل جحا :
- مافيش ولا مسجد فاتح ؟ معقول ؟
- المساجد بتفتح أوقات الصلاة جداً .
- وعابرو السبيل يروحوا فين ؟
- فـُندق .
- فـو.. إيه ؟
- معاك فلوس ؟
أخذ جحا يعبث في جيبه ثم أخرج عملة معدنية وهو يقول :
- درهم أهو .
التقطه الشاب منه وهو يسخر من العملة :
- درهم ؟ ومين اللي مرسوم عليه ده ؟
- مولانا السلطان طبعاً .
- هو أيامكم كان الحاكم بيرسم نفسه على العملة ؟ أتاري اللي احنا فيه ده مش من شوية .
استرد جحا درهمه وهو يقول :
- انت لسة ماجاوبتنيش ، هنروح الفوو... اللي بتقول عليه ده ؟
- ماينفعش ، مامعاناش فلوس .
- والدرهم ده ما ينفعش ؟
- ولا بـ بريزة حتى .
- بـ .. بـريـ .. بريـ ..
قاطعه :
- خلاص ، الكلمة اللي ماتعرفهاش ماترددهاش .. تعالى نتسنكح .
- نتـ .. نتـ ..
جذبه الشاب من يده واتجها إلى أقرب مقهى صادفهم ، ولاحظ جحا بعد أن جلس ، رجلان يلعبان دومينو :
- هم بيعملوا ايه ؟
- بيلعبوا .
- ولكنهم ليسوا أطفالاً .
كان الساقي يضع أمامهم كوبين من الشاي :
- اشرب وانت ساكت ، أنا اللي جبته لنفسي .
- ولكن الساقي هو اللي جابهولك .
مد جحا يده إلى الكوب ففوجئ بسخونته ، قهقه الآخر وهو يقول ساخراً :
- باين عليك غشيم جداً .
- غـ .. غشـ ..
كان صوت الرجلين مرتفعاً وهما يتبادلان الحديث :
- سيبك ، قال يا مآمن للحريم ، يا مآمن للمعزة وسط البرسيم .
قهقه جحا بصوت عالٍ وهو يقول :
- رجل حكيم .. إنه يشبه جحا .
- مالناش دعوة ، خلينا ف حالنا ، اشرب وانت ساكت .
- لما يهدا شوية .
أخذ جحا يراقب المارة وسمع من حديث شابين عابرين :
- كرامتي ماتسمحليش أعمل كدة .
- إن كان لك عند الكلب حاجة ، قول له يا سيدي .
قهقه جحا من جديد وقال :
- شاب حكيم .. يشبه جحا .
رمقه الآخر بنظرة صامتة واستمر جحا على متابعته للمارة ، فوجد عدة أشخاص يدفعون بسيارة معطلة ، قال أحد المتطوعين بعملية الدفع :
- ارمي جامد يا أستاذ .
قال السائق :
- بس زقوا انتوا ومالكوش دعوة .
أفتى متطوع آخر :
- تلاقي البطارية نايمة .
رد متطوع ثالث :
- هتلاقي البوجيهات متآكلة .
رابع :
- شكله كدة مابيعرفش يرمي كويس .
وقف جحا واتجه إليهم بعفوية شديدة يحدق في السيارة وفيهم حتى اتجه إلى الجميع شخص لا تبدو عليه أمارات المعرفة على الإطلاق وصاح بهم :
- أنا أسطى ميكانيكي يا جماعة ، وسع يا أستاذ كدة بعد إذنك .
خرج السائق وحل مكانه الشخص هاتفاً :
- إيدكم معانا يا رجالة مرة واحدة كدة .
وبعد محاولتين بالتمام دارت السيارة وهنأ الجميع بعضهم وشكرهم السائق ثم انطلق ، عاد جحا متعجباً إلى رفيقه ولكن .. كانت الطاولة شاغرة ، وكذا كوبي الشاي .
*
- أدعكه وأمري لله .
حمل الفانوس وانتقل أمام الصخرة وأخذ يدعكه ، ثم تركه وابتعد قليلاً وهو يراقبه ، فخرج دخان كثيف امتزج مع صوت الهواء الشديد وهدير الأمواج فابتعد أكثر، بينما ظهر جحـا من بين الدخان حاملاً عصا مبتسماً يتطلع حوله، حدق في وجه من دعك الفانوس وملابسه وسأله :
- من أنت ؟
يرد متسائلاً باندهاش :
- انت العفريت ؟
- عفريت !! لا أنا جحا .. انت مين بقى ؟
- يعني مافيش شُبيك لبيك ؟
- لبيك مين يا عم بقولك جحا .. جحا الحكيم .
- طب وفين العفريت ؟
- أنا مش فاهم منك حاجة .. عفريت ايه ؟
- المفروض إن الفانوس ده يطلع لي منه عفريت جداً .
- لا آهو طلع لك منه جحا ، وانا أجدع من 100 عفريت يا سيدي .
- يعني هتحققلي كل أمنياتي ؟
- ليه هو أنا عفريت ؟!
أجابه بغضب :
- أومال لازمتك إيه ؟
جحا بهدوء :
- هفيدك بحكمتي .
- جحا كان غبي جداً مش حكيم .
- مش عيب تغلط في عمك جحا ؟ اسمك إيه ؟
- أنا عايز أرجعك الفانوس تاني .
- ماينفعش .
- ليه ؟ لزقة ؟
- يابني افهم .. انت خرجتني من الفانوس ، هفيدك بحكمتي لحد ما تموت.. أو ممكن أرجع فجأة بعد فترة ماعرفهاش .
- مش فاهم .
- مش مهم تفهم ، المهم تستفيد من حكمتي .
- وحكمتك دي هتخليني أغنى واحد في الدنيا ؟
- وهو الغِنى ، غنى فلوس بس ؟
- أيوة .. أهم حاجة جداً هي الفلوس .
- ليه ؟ هو احنا فين ؟ ايه البلد دي ؟
- دي البلد اللي انت بتتكلم كلامها .
- أنا باتكلم زي ما انت بتتكلم .
- دي مصر .
- بجد ؟ مصر ؟؟ أنا سعيد قوي إني في مصر .. احنا سنة كام ؟
- 2005 ميلادي .
- لأ قول لي بالهجري .
- ماعرفشي بالهجري أعرف بالميلادي .
- ليه ؟ مابتصوموش رمضان ؟
- بنصوم جداً ، بس فيه ناس بتحسب لنا الشهور الهجري وتبقى تقولنا لما رمضان يجي.
- وانت عايز فلوس ليه ؟
- كل الناس عايزة فلوس ، احنا ف زمن الفلوس فيه كل حاجة جداً .. هتجيبلي فلوس ؟
- قلتلك أنا مش عفريت .. بس الزمن اللي تبقى الفلوس فيه كل حاجة ، محتاج جحا .
- اذا كنت مش هتجيب فلوس يبقى مش عايزين جحا .
- ليه ؟ انت مش عايز الفلوس عشان تبقى غني وتِصرف كتير؟
- أيوة .
- خلاص ، هعلمك ازاي تتغني وتجيب فلوس .. بالصبر والحكمة .
قال بسخرية :
- يبقى مش هنشوف قرش إن شاء الله .. صبر مين يا عم ، احنا عندنا ناس بتجيب كل دقيقة ألف جنيه .
- يعني كام دينار ؟
- شكلك هتغلـّبني معاك جداً .
- وعّيني .. فهمني ، واستحملني .
- مافيش وقت .. الزمن ده مش وقت حد يعلّم حد فيه ، كله بيتعلم لوحده .
- الدنيا برد ، ممكن نروح مكان دفا شوية ؟
- ياريت .. ماكانش يتعز .
- هو انت مش قلت اننا في مصر ؟ يعني فيه ناس كُرما ممكن يضيّـفونا لو انت ماعندكش مأوى .
- بيتهيألك .. كل حاجة بمقابل وماعادش حاجة ببلاش .
- حتى الكرم ؟
- حتى النـَفَس .
- لاااا .. ده انتوا محتاجين جحا فعلاً .. تعالى معايا .
- على فين ؟
- مع عمك جحا ماتشيلش هَم .
*
بعد الكثير من البحث سأل جحا :
- مافيش ولا مسجد فاتح ؟ معقول ؟
- المساجد بتفتح أوقات الصلاة جداً .
- وعابرو السبيل يروحوا فين ؟
- فـُندق .
- فـو.. إيه ؟
- معاك فلوس ؟
أخذ جحا يعبث في جيبه ثم أخرج عملة معدنية وهو يقول :
- درهم أهو .
التقطه الشاب منه وهو يسخر من العملة :
- درهم ؟ ومين اللي مرسوم عليه ده ؟
- مولانا السلطان طبعاً .
- هو أيامكم كان الحاكم بيرسم نفسه على العملة ؟ أتاري اللي احنا فيه ده مش من شوية .
استرد جحا درهمه وهو يقول :
- انت لسة ماجاوبتنيش ، هنروح الفوو... اللي بتقول عليه ده ؟
- ماينفعش ، مامعاناش فلوس .
- والدرهم ده ما ينفعش ؟
- ولا بـ بريزة حتى .
- بـ .. بـريـ .. بريـ ..
قاطعه :
- خلاص ، الكلمة اللي ماتعرفهاش ماترددهاش .. تعالى نتسنكح .
- نتـ .. نتـ ..
جذبه الشاب من يده واتجها إلى أقرب مقهى صادفهم ، ولاحظ جحا بعد أن جلس ، رجلان يلعبان دومينو :
- هم بيعملوا ايه ؟
- بيلعبوا .
- ولكنهم ليسوا أطفالاً .
كان الساقي يضع أمامهم كوبين من الشاي :
- اشرب وانت ساكت ، أنا اللي جبته لنفسي .
- ولكن الساقي هو اللي جابهولك .
مد جحا يده إلى الكوب ففوجئ بسخونته ، قهقه الآخر وهو يقول ساخراً :
- باين عليك غشيم جداً .
- غـ .. غشـ ..
كان صوت الرجلين مرتفعاً وهما يتبادلان الحديث :
- سيبك ، قال يا مآمن للحريم ، يا مآمن للمعزة وسط البرسيم .
قهقه جحا بصوت عالٍ وهو يقول :
- رجل حكيم .. إنه يشبه جحا .
- مالناش دعوة ، خلينا ف حالنا ، اشرب وانت ساكت .
- لما يهدا شوية .
أخذ جحا يراقب المارة وسمع من حديث شابين عابرين :
- كرامتي ماتسمحليش أعمل كدة .
- إن كان لك عند الكلب حاجة ، قول له يا سيدي .
قهقه جحا من جديد وقال :
- شاب حكيم .. يشبه جحا .
رمقه الآخر بنظرة صامتة واستمر جحا على متابعته للمارة ، فوجد عدة أشخاص يدفعون بسيارة معطلة ، قال أحد المتطوعين بعملية الدفع :
- ارمي جامد يا أستاذ .
قال السائق :
- بس زقوا انتوا ومالكوش دعوة .
أفتى متطوع آخر :
- تلاقي البطارية نايمة .
رد متطوع ثالث :
- هتلاقي البوجيهات متآكلة .
رابع :
- شكله كدة مابيعرفش يرمي كويس .
وقف جحا واتجه إليهم بعفوية شديدة يحدق في السيارة وفيهم حتى اتجه إلى الجميع شخص لا تبدو عليه أمارات المعرفة على الإطلاق وصاح بهم :
- أنا أسطى ميكانيكي يا جماعة ، وسع يا أستاذ كدة بعد إذنك .
خرج السائق وحل مكانه الشخص هاتفاً :
- إيدكم معانا يا رجالة مرة واحدة كدة .
وبعد محاولتين بالتمام دارت السيارة وهنأ الجميع بعضهم وشكرهم السائق ثم انطلق ، عاد جحا متعجباً إلى رفيقه ولكن .. كانت الطاولة شاغرة ، وكذا كوبي الشاي .
*
( بقية القصة في المجموعة الساخرة { شنـتر ابن عداد } .. في انتظار تعليقاتكم )
